Кыӵе луыны кулэ зэмос удмурт чеберай? Мазы понна синмасько нылъёслы? Та юанъёслы валэктон утчало «Юмшан промо» группа, «Удмурт кенеш», «Дэмен» огазеяськонъёс, «Удмурт дунне» газетлэн редакциез. «Мисс Удмуртлык», «Чеберай», «Удмурт дунне быръе дыды» — таӵе нимъёс улын ортчо удмурт нылъёс куспын вожвылъяськонъёс. Юмшан промо аслэсьтыз миссэ шедьтӥз ни ке, «Удмурт дунне» утча на. Туннэ нуналлы солэн конкурсаз пыриськыны 10 мылкыд карисьёс куриськон гожтӥзы ини. Одӥгеныз чебер дыды, Оксана Перевозчикова вордскемын Балезино ёросысь Ушур гуртын. Школазэ йылпумъяса Удмурт кун университетын дышетскиз, бӧрысь ужаны интыяськиз. Пинал дырысеныз ик пӧртэм мер ужрадъёсы пыриськылӥз. Каре вуыса но ассэ уг ышты. Быгатэмезъя мерлыко пумиськонъёсы вуыны тырше, пӧртэм конкурсъёсы вуттӥське.